Fjalët emocionale të Modric pasi e fitoi ”Topin e Artë”

Edhe zyrtarisht, Luka Modric është shpallur futbollisti më i mirë i vitit 2018.

Në ceremoninë e France Football të mbajtur në Paris, mesfushori kroat e fitoi ”Topin e Artë”.

Pasi e pranoi çmimin, Modric i ka falënderuar të gjithë për mbështetjen, duke thënë se është e vështirë ta shpreh këtë me fjalë.

”Unë kam shumë emocione. Është me të vërtetë e vështirë ta shprehi këtë në fjalë. Vetëm dua të jap falënderime”, tha Modric, transmeton IndeksOnline.

”Është një ëndërr që është bërë realitet. I falënderoj të gjithë – nga bashkëlojtarët deri te menaxhmenti”.

”Është një nder i madh për mua, është një privilegj që e fitoj këtë çmim”.

”Ky vit ka qenë tejet special”, përfundoi Modric./IndeksOnline/