Pacolli: Në Washington fola për lojën e pistë të Serbisë

Zëvendëskryeministri i Kosovës, Behgjet Pacolli po qëndron në SHBA, ku po merr pjesë në Forumin mbi sfidat në Evropën Juglindore.

Në një postim në Facebook, Pacolli ka shkruar se në fjalimin e tij ka denoncuar lojën e pistë që Serbia po bën ndaj Kosovës, transmeton Indeksonline.

Më poshtë postimi i Pacollit:

Mëngjesin në Washington e fillova me pjesëmarrjen në Forumin mbi sfidat në Evropën Juglindore, i organizuar nga Senatori Paul Inhofe, në Senatin Amerikan. 

Në adresimin tim para kongresmenëve dhe pjesëmarrësve të tjerë, potencova rëndësinë jetike të prezencës amerikane në rajon si garantuese e paqes dhe demokracisë. 

Në anën tjetër denoncova lojën e pistë që Serbia në vazhdimësi zhvillon duke vazhduar me minimin e paqes nëpërmjet prezencës ruse. 

Rajoni i Ballkanit i takon NATO-s dhe kjo gjë nuk ka alternativë.