Barca nderon Cruyffin, i vendos emrin stadiumit

Klubi katalanas i futbollit vazhdon punimet për stadiumin e ri prej 6 mijë vendesh, që do të zëvendësojë “Mini Estadi” dhe do të presë ndeshjet e Barça B, të rinjve katalanas dhe femrave të kësaj skuadre.

Në imazhet e reja, që klubi ka publikuar, emri i Johan Cruyff tashmë shkëlqen në ballinë të impiantit të ri sportiv.

Siç raportohet, emri i legjendës holandeze tashmë mund të shihet në stadium, ndërsa kanë nisur të vendosen edhe ndenjëset për tifozët.

Tapeti i blertë do të shtrohet në mes të prillit. Stadiumi është në rrugën e duhur, në pjesën e fundit të punimeve. Ai planifikohet të jetë gati në fund të majit dhe të hapet për ndeshje në qershor.

Kujtojmë se emrin e legjendës së futbollit holandez, që u nda nga jeta më 24 mars 2016, e ka marrë edhe stadiumi kryesor i Amsterdamit, ku i luajnë më së shumti ndeshjet portokallinjtë.

? Las letras con el nombre de @JohanCruyff ya lucen el futuro estadio ?? #ForçaBarçahttps://t.co/GaMDZFPach

— FC Barcelona (@FCBarcelona_es) April 3, 2019