Aksident i çuditshëm në Gjakovë
Një aksident i çuditshëm ka ndodhur sot në qytetin e Gjakovës.
Sipas një qytetari, i cili në KALLXO.com ka dërguar fotografi nga vendi i ngjarjes, një shofer ka ndalur veturën e tij në korsinë për qarkullimin e veturave, e ka lënë derën hapur dhe në një moment vetura ka filluar të ecë vetë prapa.
Gjatë ecjes prapa, vetura ka goditur një veturë të Policisë “Toyota”, e cila ishte e parkuar në pjesën e caktuar për parking.
Nga fotografia shihet se veturës “Renault” i është dëmtuar dera të cilën shoferi e kishte lënë hapur.
Sipas qytetarit, rasti ka ndodhur në qendër të Gjakovës, përballë ndërtesës së Komunës, rreth orës 11:00.