11:24 / E Premte, 09 Mars 2018

Anglia zgjedh kapitenin e skuadrës

Humbja me Juventus në mesjavë e ka vrarë moralisht sulmuesin e kombëtares angleze, Harry Kane që ka vendosur të qëndrojë dhe për një tjetër sezon me Tottenham. Ndërkohë trajneri i ‘Tre Luanëve’, Southgate është i bindur t’i japë shiritin e kapitenit në Botëror.

Pasi dështoi të gjejë personin e përshtatshëm për shiritin e kapitenit, teksa provoi 15 futbollistë në 14 ndeshjet që është në detyrë, Southgate po mendon që ne ndeshjet e ardhshme kapiten të jetë sulmuesi i Tottenham. Kane ështe aktualisht futbollisti më i rëndësishëm i skuadrës dhe me shiritin e kapitenit do te kishte edhe më shumë autoritet.

Southgate provoi në muajin nëntor me Cahill dhe Hart, ndërkohë që Dier nuk ka seriozitetin e duhur. Trajneri i Anglisë ka përzgjedhur skuadrën me të cilën do të luaje miqësoret me Holandën dhe Italinë këtë muaj.