Apeli lë në paraburgim personin që ka kanosur familjen e Presidentit Thaçi

Gjykata e Apelit e Kosovës e ka refuzuar si të pabazuar ankesën e avokatit mbrojtës kundër caktimit të masës së paraburgimit prej një muaji, për të dyshuarin Asllan Bajraktari që ka kanosur familjen e Presidentit Thaçi.

Në këtë mënyrë gjykata e shkallës së dytë, e ka lënë në fuqi aktvendimin e Gjykatës Themelore në Mitrovicë – Dega në Skenderaj, transmeton Indeksonline.

A.B. po dyshohet nga ana e prokurorisë se ka kryer veprën penale “Kanosje” nga neni 185, paragrafi 3 i Kodit Penal të Republikës së Kosovës, si dhe veprën penale ”Mbajtje në pronësi, kontroll ose posedim të pa autorizuar të armeve” nga neni 374, paragrafi 1, i te njëjtit ligj.

Gjykata e Apelit, gjen se gjykata e shkallës se parë, ka dhënë arsye të mjaftueshme, mbi bazën ligjore për të cilën ka caktuar masën e paraburgimit ndaj tij, konform dipspozitave te nenit 187 të Kodit të Procedurës Penale të Republikës se Kosovës./Indeksonline/