Arrestohet hajni i kuletave

Dje në pikën kufitare, në Kullë, është arrestuar një person i dyshuar i cili ishte në kërkim policor. I dyshuari po kërkohej nga stacioni policor Qendra në Prishtinë, për disa raste të vjedhjeve.

Personi i arrestuar: G. LL, mashkull, 43 vjeç, shtetas i Republikës së Kosovës,cili nga hetuesit e stacionit Qendra është identifikuar që nga viti 2017, dyshohet të jetë i përfshirë në disa raste të vjedhjeve, që janë raportuar në polici, (kryesisht janë vjedhje të kuletave).

Personi i dyshuar me urdhër të Prokurorit të shtetit është dërguar në qendrën e mbajtjes për 48 orë, ndërkohë që hetuesit policor të të gjitha stacioneve të Drejtorisë Rajonale të Policisë në Prishtinë, janë duke kryer veprimet e nevojshme policore për kompletimin e lëndëve, të cilat pastaj do të procedohen në institucionet përkatëse.