Arrestohet personi që përplasi për vdekje profesorin në Skenderaj

Një aksident tragjik me fatalitet ka ndodhur mbrëmjen e së martës në Skenderaj, ku si pasojë e përplasjes nga një veturë ka humbur jetën profesori Miftar Lushtaku, transmeton IndeksOnline.

Ngjarja ka ndodhur rreth orës 21:00 në rrugën “Skënderbeu”, ku sipas raportit të Policisë së Kosovës, një këmbësor mashkull kosovar është përplasur nga një automjet, duke pësuar lëndime fatale.

Policia ka bërë të ditur se drejtuesi i veturës, i dyshuar mashkull kosovar, është arrestuar menjëherë pas rastit.

“Është arrestuar i dyshuari mashkull kosovar, pasi që me veturë nga pakujdesia ka përplasur për vdekje këmbësorin mashkull kosovar. Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa i dyshuari është dërguar në mbajtje”, thuhet në njoftimin e policisë.

Rasti është duke u hetuar nga njësitet kompetente për të sqaruar plotësisht rrethanat e aksidentit tragjik./IndeksOnline/