Aston Martini prezanton një makinë unike

Në Sallonin e Automobilëve në Londër, që do të mbahet nga 17-20 maj, Aston Martin do të prezantojë një ekzemplar unik të Vanquish S.

Kjo makinë quhet edhe Red10, në nder të ngjyrës së kuqe të avionëve “akrobatë” britanikë, një skuadrilje e themeluar në vitin 1965.

Aston Martin Vanquish S i bashkohet kështu serive të limituara të Vantage S Blades Edition dhe Vantage S “Spitfire 80 Edition”.
Në fillim të muajit mars Aston Martin ka prezantuar edhe Valkyrie AMR Pro, një vazhdimësi e Aston Martin Valkyrie dhe një interpretim më ekstrem i markës britanike për këtë supermakinë.

E dizenjuar me bashkëpunimin e Adrian Newey, krijuesi i Red Bullit në F1, kjo makinë Aston Martin është vetëm për pista, ku thuhet se mund të konkurrojë në mënyrë të barabartë me makinat LMP1 që garojnë në Lë Mansh.