Bastisje në Qendrën e Paraburgimit në Lipjan

Policia ka kryer sot në mëngjes një bastisje në Qendrën e Paraburgimit në Lipjan.

Një bastisje nga policia ka ndodhur sot në Qendrën e Paraburgimit në Lipjan.

Lajmin për bastisjen e ka bërë të ditur zëdhënësja e Policisë Rajonale në Prishtinë Florie Ahmeti-Haziraj.

“Po mund të ju konfirmoj se rreth orës 7:00 policia ka bastisur Qendrën e Paraburgimit në Lipjan”, tha Ahmeti-Haziraj.

Ajo tregoi se bastisja në qendër ka ndodhur me urdhër të gjykatës.

“Bastisja ka ardhur pas një urdhri të Gjykatës Themelore të Prishtinës”, tha ajo.

kallxo.com ka kontaktuar edhe drejtorin e burgjeve Sokol Zogajn, i cili tha se bastisja është kryer por nuk është hasur në asgjë të pazakontë.

“Bastisja është kryer nga ana e policisë i cili ka qenë më urdhër te gjykatës. Nuk është gjetur asgjë”, tha Zogaj.

Ahmeti-Haziraj tregoi se “bastisja ka përfunduar në orën 9:00”, duke mos dhënë detaje tjera.