Bayerni në stilin e kampionit, e nis me goleadë sezonin e ri
Bayern Munich e ka nisur me fitore sezonin e ri të Bundesligës.
Kampioni i Gjermanisë, mposhti në udhëtim Werder Bremenin me rezultat bindës 4-0, shkruan IndeksOnline.
Leroy Sane hapi serinë e golave qysh në minutën e 4-të kur shënoi pas asistimit të Harry Kane. Me rezultat 1-0 u mbyll pjesa e parë.
Sulmuesi anglez shënoi golin e parë me fanellën e Bayernit duke dyfishuar rezultatin në minutën e 75-të.
Në vazhdim ”bavarezët” shënuan edhe dy gola të tjerë, për të marr fitoren e parë të këtij sezoni.
Sane me golin e dytë personal në minutën e 90-të dhe talenti 18-vjeçar Mathys Tel në 90+4, shënuan dy golat e tjerë të Bayernit./IndeksOnline/