Dalin pamjet e aksidentit ku u përfshi reperi Majk në Prishtinë
Në lagjen “Bregu i Diellit” saktësisht në udhëkryqin e rrugës “Rexhep Xheladini” në Prishtinë pak më herët ndodhi një aksident trafiku.
Në rrjete sociale kanë qarkulluar disa fotografi të aksidentit në të cilat shihet se e përfshirë është edhe vetura e tipit “Porsche” e reperit Kastriot Rexha, i njohur për publikun si “Majk”, shkruan Indeksonline.
Më poshtë pamjet:
Ndërkohë, Komandanti i Policisë së Trafikut në kryeqytet, Milaim Fejzullahu ka thënë për “Indeksonline” se në këtë aksident kanë qenë të përfshira dy automjete dhe si pasojë e këtij aksidenti një person ka pësuar lëndime trupore dhe i njëjti është dërguar për tretman mjekësorë në Qendrën Klinike Universitare të Kosovës (QKUK).
Sipas Fejzullahut, aksidenti ka ardhur si shkak i mos respektimit të shenjës së komunikacionit në trafik.
Më tutje, Komandanti Fejzullahu ka shtuar se me rastin janë duke u marr njësitet përkatëse të policisë të cilët po shikojnë të gjitha rrethanat që karakterizojnë këtë aksident./Indeksonline/
Policia deklarohet për aksidentin ku u përfshi reperi kosovar Majk!