18:08 / E Enjte, 16 Maj 2019

Deputeti i PDK-së i revoltuar: Vonë është të formohet Tribunali kundër serbëve!

Deputeti i Partisë Demokratike të Kosovës, Nait Hasani ka deklaruar se ministri i Drejtësisë, Abelar Tahiri ka fije turpi ka thënë se nuk mund të bëjnë burgun e Prishtinës një muze për krimet që kanë ndodhur nga regjimi serb.

Hasani tha se me këtë rezolutë nuk zgjidhet çështja e krimeve të bëra në Kosovë.

“Kemi kërkuar nga ministri i drejtësisë si komision që burgu i Prishtinës të shpallët muze, pikërisht në këtë burgje janë bërë krime, dhuna, tortura, zhdukje dhe vrasje, djegie të të burgosurve, dhe pa fije përgjegjësie thotë se ne nuk mund ta bëjmë këtë, pas 20 viteve iu ka ra ndërmend të formojmë tribunale o kryetar, vonë është. Nëse e zhdukim burgun e Prishtinës,  kur do t’i dëshmojmë ato dëshmitë, ku do t’i marrim ato dëshmi, fëmija tonë nuk do të dinë që ka pas një luftë në Kosovë“, ka thënë ai.

Deputeti i Aleancës për Ardhmërinë e Kosovës, Daut Haradinaj ka nisur fjalimin me vrasjen e shqiptarëve që nga viti 1941 deri në vitin 1999, ku tha se .

“Kur e shohim në tërësi, jo vetëm nxjerrja e rezolutës, sot por edhe komisioni do ta ketë mbështetjen tonë dhe jam shumë i bindur që do ta ketë mbështetjen edhe të faktorit ndërkombëtar, sepse gjithë këto që i thash deri sot nuk kanë marrë drejtësi“, ka thënë ai./