Deputetja e PDK-së i kërkon Halitit të ndërpres seancën për shkak të iftarit

Janë bërë pothuajse tetë orë që kur Kuvendi i Kosovës ka nisur punimet për seancat plenare të lëna në gjysmë.

Në këtë seancë me shumë pika të rendit të ditës, po marrin pjesë edhe deputetë që janë agjerueshëm, raporton Indeksonline.

Deputetja e Kuvendit nga radhët e PDK-së, Ganimete Musliu është njëra nga to.

Ajo në një moment ka kërkuar fjalën, duke i bërë apel nënkryetarit të Kuvendit, Xhavit Haliti që të përmbyll punimet e Kuvendit për sot.

“I nderuar, ju lutem ta ndërprisni seancën për sot sepse disa jemi agjeruëshëm e duhet me shku”, ka thënë Musliu. /Indeksonline/