Djokovic eliminohet nga numri 72 në botë

Tenisti serb Novak Djokovic është eliminuar sot pasdite nga grand slemi i Roland Garros, pasi u mund 3-1 (6-3, 7-6, 1-6, 7-6) nga italiani Maro Cecchinato, numri 72 në botë, në takimin e vlefshëm për fazën çerekfinale. Një rezultat i papritur, pasi serbi ishte favorit për ta fituar sfidën, por rivali italian ka zhvilluar sot ndeshjen e jetës së tij, duke arritur një rezultat historik dhe për herë të parë në karrierë kualifikohet në gjysmëfinalet e një grand slemi.

Një ndeshje emocionuese dhe me shumë rivalitet, ku tenistët dueluan fort për fitore, por Djokovic nuk arriti të regojë klasin e tij ndaj një rivali disi anonim, që vazhdon rrugëtimin e tij në këtë turne. Checchinato, pasi fitoi setin e parë 6-3, tregohet i saktë në “tie break” të setit të dytë dhe fiton 7-6, por Djokovic nuk heq dorë dhe fiton me lehtësi 6-1 setin e tretë. Seti i katërt ishte me dy pamje, më i mirë për serbin në pjesën e parë, që shkëputet 5-2.

Kur pritej që Djokovic të fitonte setin vjen përmbysja e italianit, që bën një lojë të mirë dhe barazon shifrat 5-5, duke çuar gjithçka në “tie break” dhe pas shumë barazimesh, fiton sërish 7-6. Në gjysmëfinale, tenisti italian do të luajë ndaj austriakut Domonic Thiem, që në çerekfinalen tjetër mundi 3-0 (6-4, 6-2, 6-1) gjermanin Dominic Thiem. Një ndeshje e dominuar nga austriaku, që konfirmoi se jep më të mirën në fushat me dhè.