Drita – Liria, kryendeshja e ditës së sotme në Superligën e Kosovës

Dje u zhvilluan tri ndeshje interesante në kuadër të Superligës së Kosovës në futboll.

Lideri, Feronikeli vazhdoi me fitore, Prishtina gjithashtu arkëtoi tre pikë, ndërsa Flamurtari mposhti KEK-un.

Edhe sot, të dielën, do të zhvillohen tri ndeshje interesante në kampionatin kosovar të futbollit, transmeton IndeksOnline.

Dueli më interesant do të zhvillohet në Gjilan, ku Drita është nikoqire e Lirisë së Prizrenit.

Pas 13 javësh, Drita është ngritur në vendin e katërt me Shpëtim Duron, ndërsa Liria është në formë katastrofale, ku renditet në vendin e parafundit.

Ndeshja tjera që do të zhvillohen sot janë, Trepça’89 – Gjilani dhe Ferizaj – Llapi./IndeksOnline/