Driton Kuka kërkon përkrahje nga Komunat

Trajneri i xhudistës Majlinda Kelmendi, Driton Kuka ka kërkuar nga Kryetarët e Komunave që të investojnë më shumë në klubet e tyre.

Ai përmes një postimi në Facebook ka përkrahur kërkesën e KOK-ut drejtuar komunave, shkruan indeksonline.

Ky është postimi i Driton Kukës në Facebook:

Me shpresë që dikush po fillon të merret me klubet!

Më se 10 vite duke trumbetuar këtë problem!!!

Problemi ma i madh i sportit qysh pas çlirimit është përkrahja e vogël simbolike e klubeve nga Komunat!

Ma në fund Komiteti Olimpik i Kosovës ngriti këtë çështje në nivel alarmues para disa ditësh ndërsa sot edhe Ministri Kujtim Gashi i dha përkrahje fuqishëm kësaj inciative!

Komunat me Kryetar të rinj financoni klubet e jepjuni rastin fëmijëve tanë të merren me sport që promovon edukim e shëndet!