Dy yjet e Llapit rikuperohen nga lëndimet, të gatshëm për Gjilanin
Llapi duket të jetë i kompletuar para sfidës së sotme me Gjilanin në ”Zahir Pajaziti”.
Skuadra nga Podujeva do të përballet sot me Gjilanin në kuadër të javës së 10-të në Superligë.
Kjo do të jetë përballja e parë e Llapit që prej shkarkimit të Bylbyl Sokolit, transmeton IndeksOnline.
Dhe vendi i tretë në renditjen tabelare, Llapi, ka marrë një lajm mjaft të mirë para ndeshjes.
Skuadrës i është bërë me dije se Mentor Zhdrella dhe Shend Kelmendi janë të gatshëm për ndeshjen e sotme.
Të dy lojtarët në fjalë janë paraqitur dje në stërvitje./IndeksOnline/