E bija vret babain dhe e varros në kopsht, policia nis hetimet
Një hetim vrasje ka nisur në Britani të Madhe, pasi një grua i tha Policisë se ajo kishte vrarë babain e saj dhe se atë e ka varrosur në një kopsht.
Gruaja në moshë 63 vjeçare e quajtur Barbara Coombes, është aktualisht në paraburgim dhe policia ka nis hetimet për këtë vrasje, transmeton Indeksonline.
Ajo ka shkuar në stacionin e policisë duke thënë se ka vrarë një burrë para disa viteve dhe se trupin e tij e kishte varrosur në një kopsht në Reddish, në Manastri të Madh.
Inspektori Detektiv, Dan Clegg nga Ekipi i Incidentit të GMP, tha se kanë nis kërkimet në kopsht për trupin e të vdekurit.
“Pas raportit, kemi bërë një numër pyetjesh të tjera dhe sot, me ndihmën e zyrtarëve të specializuar, filluan kërkimet në kopsht. Është ende ditë shumë e hershme në hetimin tonë, por dua të falënderoj publikun deri më tani për mbështetjen e tyre për të na lejuar të kryejmë hetimet tona, jam i sigurt se kjo ka qenë shqetësuese për njerëzit në zonën lokale”, shkruan Daily Mail, transmeton Indeksonline.