E lanë veturën në autopilot, dy persona humbin jetën në Tesla

Dy persona humbën jetën në Texas, teksa udhëtonin me një veture Tesla, pas një aksident ku policia thotë se asnjë prej viktimave nuk ndodhej në ulësen e shoferit.

Vetura po ecte me shpejtësi maksimale në Houston kur doli nga rruga dhe u përplas me një pemë, për të shpërthyer më pas në flakë.

Kur policia mbërriti në vendngjarje një nga viktimat ishte ulur në vendin e pasagjerit, ndërsa tjetri mbrapa duke lënë të dyshohet se vetura ishte në versionin e autopilotit.

Tesla ka kohë që ka lansuar veturat vetëvozitëse dhe po punon shumë në zhvillimin e tyre, por ka pasur raportime edhe për aksidente.