Ferizaji nesër bëhet me Qendër të Inovacionit dhe Ndërmarrësisë
Kryetari i Komunës së Ferizaj, Agim Aliu ka njoftuar se nesër do të bëhet hapja e Qendrës së Inovacionit dhe Ndërmarrësisë.
Sipas njoftimit, nesër prej orës 10:00, së bashku me ministrin e Inovacionit dhe Ndërmarrësisë, Besim Beqaj do të nënshkruajnë Memorandumin për hapjen e Qendrës së Inovacionit dhe Ndërmarrësisë në Ferizaj, transmeton Indeksonline.
Qyteti i Ferizajit për herë të parë po bëhet me Qendër të Inovacionit dhe Ndërmarrësisë, pra është një hap ky i rëndësishëm në përgatitjen e kuadrove për nevojat e tregut.