Granit Xhaka plotëson ëndrrën, bëhet me numër të ri në Arsenal (Foto)

Granit Xhaka është bërë me numër të ri në fanellë.

Mesfushori kosovar që luan në klubin e madh anglez, Arsenal – ka ndërruar numrin nga 29 në 34, shkruan IndeksOnline.

Lojtari i Kombëtares së Zvicrës ka plotësuar ëndrrën e tij, duke marr numrin 34, që ka rëndësi të veçantë për të.

“Numri 34 ka rëndësi të madhe për mua. Ishte numri im i parë kur fillova karrierën. Po ashtu me këtë numër kam pasur shumë fat. Madje këtë numër e kam edhe tatuazh në shpinë dhe në krahun tim! Vëllai im e mban këtë numër, pasi kur u largova nga Baseli, ai e mori menjëherë atë. Dhe kështu ky numër është bërë mjaftë i rëndësishëm në familjen tonë”, ka thënë Xhaka për Arsenal TV.

25-vjeçari u transferua në “Emirates” gjatë viti 2016. Ai ka bërë afro 75 paraqitje dhe ka shënuar 4 gola në të gjitha garat./IndeksOnline/

And Granit Xhaka will change from No 2️⃣9️⃣ to No 3️⃣4️⃣ next season

Here’s why the number has special meaning for Granit… pic.twitter.com/I4MNF4Yc0o

— Arsenal FC (@Arsenal) May 21, 2018