Hashim Thaçi e Sokol Bashota, takim kokë me kokë në kohë zgjedhjesh
Presidenti i Kosovës, Hashim Thaçi nuk i harron ish- bashkëpartiakët që i ka pasur në PDK.
Sot ai ka gjetur kohë që të shkoj në Klinë, ku edhe është parë me kryetarin e kësaj komune, Sokol Bashota.
Takimin e ka bërë publik vet Bashota me anë një statusi në profilin e tij në facebook.
“Sonte në Klinë pata nderin të takohem me mikun tim, Presidentin e Kosovës, Hashim Thaçi”, ka shkruar ai, përcjellë AktivPress.
Në fotot e postuara nga ky takim, në një vend shihet kreu i shtetit duke biseduar kokë me kokë me kandidatin për kryetar të sërishëm të Klinës, ndërsa në një foto tjetër shihen edhe zyrtarë tjerë të PDK-së dhe veteranë të luftës.
Duhet kujtuar se ky takim ka ndodhur vetëm një javë para ditës së mbajtës së zgjedhjeve lokale./AktivPress