11:43 / E Premte, 07 Gusht 2020

Hoti: Qeveria do ta mbështesë Telekomin e Kosovës

Kryeministri i Kosovës, Avdullah Hoti, ka bërë të ditur se Qeveria e Kosovës do ta mbështesë Telekomin e Kosovës, pas krizës që ka kapluar atë, shkruan IndeksOnline.

Hoti ka zhvilluar një takim virtual me ministrin e Ekonomisë dhe Ambientit, Blerim Kuçin, të cilët u pajtuan ta mbështesin këtë ndërmarrje publike.

Postimi:

Qeveria do ta mbështesë Telekomin e Kosovës

Me ministrin e Ekonomisë dhe Ambientit, Blerim Kuçi, zhvilluam sot një takim virtual me anëtarët e Bordit të Telekomit të Kosovës, me të cilët biseduam për gjendjen e përgjithshme në këtë ndërmarrje.

Qeveria e Kosovës, si aksionar, do ta mbështesë këtë ndërmarrje publike me interes strategjik për vendin.

Po ashtu, shumë shpejt do të diskutohet plani për rimëkëmbjen e Telekomit, i cili është duke u përgatitur nga Bordi i kësaj ndërmarrjeje.