”I theve zemrat tona njëherë, por..” – Bayerni uron Drogban për pensionimin
Didier Drogba i ka dhënë sot përfundimisht fund karrierës së tij si futbollist.
Sulmuesi nga Bregu i Fildishtë, pas një karriere të jashtëzakonshme, vendosi që sot ta njoftojë pensionimin e tij nga futbolli aktiv.
Ai u konsiderua si njëri prej sulmuesve më të mirë të gjeneratës së tij pas të bëmave me Chelsean.
Madje, me Chelsean ai e fitoi edhe titullin e Champions Leagues – i cili ishte i pari për klubin londinez në histori, transmeton IndeksOnline.
Champions Leaguen, Chelsea e kishte fituar pas triumfit në finale ndaj klubit gjerman, Bayern Munich.
Bavarezët ishin në avantazh deri në minutat e fundit, por Drogba me një gol të bukur me kokë barazoi shifrat, për ta dërguar ndeshjen në vazhdime, e në penallti, ku fituan ”Të Kaltërit”.
Tani, bavarezët, përmes një postimi në Twitter, e kanë uruar ish-sulmuesin e Chelseat për pensionimin, duke iu referuar edhe zhgënjimit që e morën nga Drogba në finalen e lartëcekur.
”Ju i thyet zemrat tona njëherë, por prapë se prapë duam t’ju përgëzojmë juve për karrierën fantastike. Gjithë të mirat në të ardhmen”, shkroi Bayerni në Twitter./IndeksOnline/
You broke our hearts once but we still want to congratulate you on a superb career. All the best for the future. ??@didierdrogba ?#FCBayern #MiaSanMia pic.twitter.com/xEhNAs5aeI
— FC Bayern English (@FCBayernEN) November 22, 2018