Ibrahimovic: Nuk mund të më ndaloj as FIFA

Zlatan Ibrahimovic u tërhoq nga futbolli ndërkombëtar në vitin 2016, por ka pretenduar në mënyrë të përsëritur se ai mund të kthehet në Botërorin në Rusi këtë verë.

Golashënuesi më i mirë i Suedisë ka deklaruar se nuk mund të pengohet të luaj në Kupën e Botës për aq kohë sa dëshiron.

Më herët është raportuar se rregullat e FIFA-s do ta ndalojnë sulmuesin e LA Galaxy të rikthehet, për shkak të partneritetit të tij me kompaninë e lojërave të fatit të bazuar në Maltë, Bethard.

Megjithatë, Ibrahimoviç i cili ende nuk e ka shpallur zyrtarisht disponueshmërinë e tij këmbëngul që organi qeverisës nuk do të ndaloj rrugën e tij.

“FIFA nuk mund të më ndalojë. Nëse dua të jem atje, do të jem atje”, ka thënë ish sulmuesi i Manchester United.

“Ashtu si me ekipin kombëtar, nëse dua të luaj, do të luaj. Kjo nuk është një pyetje për FIFA-n, është një pyetje për mua dhe për atë që dua”, shtoi suedezi. /IndeksOnline/