Italiani merr fotografinë e gruas së vdekur çdo ditë në plazh, për këtë arsye
Një pensionist italian është bërë shumë i njohur në mbarë botën pasi historia e tij preku zemrat e shumë njerëzve.
Italiani merr çdo ditë në plazh fotografinë e gruas së tij të vdekur.
Giuseppe Giordano, 70 vjeç humbi gruan e tij 7 vjet më parë, dhe që atëherë, ai ka sjellë një fotografi të rregulluar në vizitat e tij të përditshme në bregdet në qytetin e Gaetit, transmeton Indeksonline.
Pensionisti thotë se ai merr fotografinë e gruas së tij, me të cilën ishte i martuar për 50 vjet, sepse ai nuk dëshiron të ndihet i vetëm.
Giordano fitoi famë online muajin e kaluar, pasi pronari i restorantit lokal, Giorgio Moffa, 54 vjeçar postoi një fotografi të tij në plazh.
“Unë sjell fotografinë e saj këtu sepse në atë mënyrë e ndjej atë në jetën time dhe nuk ndihem shumë i vetmuar.Më pëlqen të shkoj çdo ditë në det sepse më rikthen kujtimet e mia. Unë jam shumë i habitur nga admirimi i njerëzve në internet që kur dëgjuan historinë time.”, ka thënë Giordano./Indeksonline/