Jaguar me sensorë biometrik që njeh sëmundjet e shoferit dhe pasagjerëve

Jaguar ka nisur një teknikë të re që mund të zvogëlojë rastet e sëmundjeve gjatë lëvizjes me makinë për të paktën 60%.

Duke përdorur një shumëllojshmëri të automjeteve testuese dhe objekteve të tjera të Jaguar Land Rover, inxhinieri i kërkimit të shëndetit, Spencer Salter, ka punuar në një metodë për të matur atë që ai e quan ‘rezultatin e një individi të shëndetit’, ose një masë të ndjeshmërisë së një personi ndaj sëmundjes së ngasjes ose kinetozës.

Ky rezultat llogaritet duke përdorur një pajisje që është ende në zhvillim dhe po pret aprovimin e patentës, kështu që detajet janë skematike, por teknologjia përdor sensorë biometrikë jo invazivë që regjistrojnë sinjale fiziologjike, shkruan IndeksOnline.

Duke kombinuar këto të dhëna me të dhënat e lëvizjes dhe dinamikës, automjeti është më pas në gjendje të tregojë kur dikush po sëmuret gjatë ngasjes para se të përjetoj ndonjë simptomë.

Këta sensorë ka të ngjarë të vendosen diku në vende diskrete, si përshembull në dorezat e derës. Rezultatet që ata mbledhin, pastaj vendosen përmes një algoritmi kompleks nga kompjuteri i automjetit dhe karakteristikat dinamike dhe të kabinës, e më pas përshtaten sipas rezultatit të atij individi.

Salter u bashkua me shumë sensorë biometrikë për të parë normën e zemrës, temperaturën e trupit dhe djersën. Sipas hulumtimit të tyre, shkalla e zemrës ishte treguesi më i besueshëm.

Ky është një hulumtim që ka të ngjarë të jetë i dobishëm tani që teknologjia autonome e makinave po bëhet gjithnjë e më e avancuar. Pasagjerët kanë më shumë gjasa të sëmuren sesa shoferët, dhe me automjete autonome, të gjithë në thelb bëhen udhëtar. /IndeksOnline/