Kërcënimi i Vuçiqit: Nëse Gjuriq s’lirohet për 5 minuta, e fusim ushtrinë në Kosovë

Arrestimi i shefit të zyrës së Serbisë për Kosovën, Marko Gjuriq të hënën në veri të Mitrovicës nga njësiti ROSU ka ngritur në këmbë tërë Serbinë.

Tash, dy ditë pas kësaj ngjarje po dalin në publik prapaskenat që ndodhën atë ditë, transmeton Indeksonline.

Sipas burimeve të “Novosti”, presidenti i Serbisë, Aleksandar Vuçiq të hënën kishte një plan nëse nuk do të lirohej Gjuriq.

Sipas këtij mediumi, Vuçiq ishte i gatshëm që të dërgonte ushtrinë e Serbisë për të intervenuar në veri të Mitrovicës, nëse njësia ROSU nuk do të kthehej në Prishtinë dhe nëse Gjuriq nuk do të lirohej menjëherë atë ditë.

Kështu, Vuçiq u shpreh në gjendje gatishmërie të bënte një ndërhyrje të çmendur në Mitrovicë e edhe të reagonte ndaj siç ka thënë ai, dhunës që po u bëhej serbëve në Mitrovicë.

Por, këto deklarata i ka demantuar Vuçiq, i cili ka thënë se mediat serbe spekuluan.

“Nuk do të flasë për spekulimet në medie, por unë, në bazë të Kushtetutës, jam i autorizuar si Komandant i Përgjithshëm i Ushtrisë Serbe dhe detyra ime është që të mbroj popullin tim dhe qytetarët e këtij vendi. Unë nuk kam pasur as planë e as nuk kam marrë ndonjë vendim të tillë”, deklaroi Vuçiq. /Indeksonline/