Këto janë të gjitha lëvizjet e Kosovës në ranglistën e FIFA-s, që nga pranimi

Kombëtarja e Kosovës në futboll ka marrë vëmendjen e krejt botës me paraqitjet e saja në kuadër të Ligës së Kombeve fillimisht ku e fitoi grupin dhe tash edhe në kuadër të kualifikimeve për Evropianin 2020.

Sot, u bë publike se Kosova ka arritur renditjen më të mirë në FIFA, duke u ranguar në pozitën e 119-të, shkruan Indeksonline.

Por, cilat janë të gjitha lëvizjet e Kosovës në ranglistën e FIFA-s që nga pranimi ?

Indeksonline ka përmbledhur të gjitha pozitat tash e më shumë se tre vite të Kosovës në renditjen e kombëtareve të FIFA-s.

Kosova u pranua në FIFA më datë 13 maj, ndërsa më 14 korrik, FIFA publikoi ranglistën, ku për herë të parë, Kosova u rendit në mesin e kombëtareve tjera.

14 korrik 2016

Kosova u rendit në vendin e 190, historike pasi që ishte hera e parë që vendi ynë u barazua me kombet tjera.

11 gusht 2016

Kosova nuk lëvizi nga pozita e 190-të pas një muaji.

15 shtator 2016

Kosova fiton progresin e parë në ranglistën e FIFA-s duke u ngjitur hiq më pak se 22 pozita, në vendin e 168-të,

20 tetor 2016

Kosova vazhdon ngjitjen në ranglistë, më 20 tetor ajo u ngjit për 4 pozita, në vendin e 164-të.

24 nëntor 2016

Në nëntor, Kosova njihet për herë të parë me zbritjen në ranglistë. Kombëtarja jonë humbi një pozitë në renditje, duke u radhitur e 165-ta.

22 dhjetor 2016

Kosova përfundoi vitin 2016 pa lëvizur nga pozita e 165-të që e kishte edhe në muajin nëntor.

12 janar 2017

“Dardanët” e filluan vitin 2017 me rënie tjetër në ranglistë. Edhe këtë herë, Kosova humbi një pozitë, duke u renditur e 166-ta.

9 shkurt 2017

Kosova e riktheu në shkurt pozitën e 165-të në renditjen zyrtare të FIFA-s.

9 mars 2017

Edhe një pozitë më poshtë u rendit Kosova në mars të 2017-tës, duke marrë pozitën e 164-të.

6 prill 2017

Kosova përballet me humbjen më të madhe në ranglistën e FIFA-s, duke humbur 6 pozita dhe në muajin prill 2017, u rendit në pozitën e 170-të.

4 maj 2017

Kosova në maj vazhdoi duke humbur pozita në renditjen e FIFA-s. Këtë herë “Dardanët” u renditën në pozitën e 172-të, duke humbur 2 pozita nga prilli.

1 qershor 2017

Qershori do të vazhdonte me rënie të Kosovës në ranglistë duke e humbur edhe një pozitë, duke u renditur në vendin e 173-të.

6 korrik 2017

Kosova humb edhe 3 pozita në muajin korrik të 2017-tës duke u renditur në vendin e 176-të.

10 gusht 2017

Kosova pëson rënie prapë, tash për 4 pozita, në vendin e 180-të.

14 shtator 2017

Vetëm pozita e 184-të në ranglistën e FIFA-s për muajin shtator për Kosovën, duke humbur 4 pozita tjera.

16 tetor 2017

Pas disa muajsh rënie në renditje, Kosova filloi ngritjen. “Dardanët” u renditën në vendin e 183, duke fituar vetëm një pozitë, por gjithmonë gjërat e mira fillojnë ngadalë.

23 nëntor 2017

Kosova në nëntor të 2017-tës fitoi ngritje për 9 pozita, duke u renditur e 174-ta.

21 dhjetor 2017

Pas ngritjes prej 9 pozita në muajin nëntor, Kosova në dhjetorin e 2017-tës pësoi rëniwe për tri pozita duke u renditur në pozitën e 177-të.

18 janar 2018

Edhe vitin 2018 si atë të kaluarin Kosova e kishte filluar me një pozitë rënie. Këtë muaj, Kosova u rendit në pozitën e 178-të.

15 shkurt 2018

Kosova këtë muaj e riktheu pozitën e 177-të që e pati para dy muajve.

15 mars 2018

Në marsin e 2018 Kosova u rendit në pozitën e 176-të, duke fituar ngritje për një pozitë.

12 prill 2018

Në prill të vitit 2018 Kosova arriti ngritjen më të madhe në ranglistën e FIFA-s. “Dardanët” u renditën në pozitën e 152-të, duke u ngjitur për 24 pozita.

17 maj 2018

Kosova mbajti pozitën e 152-të në ranglistën e FIFA-s të publikuar në muajin maj të 2018-tës.

7 qershor 2018

Në qershor 2018, Kosova fitoi ngritje për 11 pozita duke u renditur në vendin e 141-të.

1 korrik 2018

Kosova pëson rënie për një vend, u rendit e 142-ta.

16 gusht

Kosova rikthen pozitën e 141-të, duke fituar një pozitë në renditje.

20 shtator

Kosova në shtator ngjitet për tre pozita, në vendin e 138-të.

25 tetor 2018

“Dardanët” vazhdojnë rritjen, këtë herë për një pozitë, në vendin e 137-të.

29 nëntor 2018

+6 pozita ngritje dëshmojnë formën e mirë që Kosova kishte kaluar gjatë fundit të vitit 2018. Kosova në nëntor u rendit në pozitën e 131-të.

20 dhjetor

Kosova përfundoi vitin 2018 në pozitën e njëjtë si në muajin nëntor, vendin e 131-të.

7 shkurt 2019

Kosova e nis për herë të parë vitin me ngjitje në ranglistë. Këtë herë u rendit në pozitën e 130-të, me një pozitë ngritje nga lista e kaluar.

4 prill 2019

Pas dy muajsh, Kosova në listën e radhës të FIFA-s fitoi ngritje për tre pozita, duke u radhitur në vendin e 127-të.

14 qershor 2019

“Dardanët” edhe në qershor vazhduan ngritjen në ranglistë, këtë herë për 6 pozita duke u renditur në vendin e 121-të në botë.

25 korrik 2019

Kosova në korrik fitoi ngritje për një pozitë duke u renditur në vendin e 120-të.

19 shtator

Pozita më e mirë në ranglistën e FIFA-s për Kosovën deri më tash erdhi sot, ku u rendit në vendin e 119-të, duke fituar ngritje për një pozicion, ndonëse mundi Çekinë dhe ia shënoi tre gola Anglisë./Indeksonline/