Kontejnerët nuk i zënë mbeturinat, për shkak të mospastrimit hidhen edhe në tokë
Kontejnerët në gjithë kryeqytetin janë stërmbushur nga mbeturinat e hedhura nga qytetarët.
Por, pastrimi i tyre që zakonisht bëhej në mbrëmje, më nuk do të ndodh, kjo pasi kompania e mbeturinave “Pastrimi” që nga sot nuk do të bëjë grumbullimin dhe largimin e tyre.
Edhe mëngjesi i sotëm e gjeti Prishtinën të mbushur me mbeturina që janë shpërndarë edhe jashtë kontenjerëve.
Kjo për shkak se kompania në fjalë gjendet në prag të kolapsit për shkak të bllokimit xhirollogarive bankare nga Kompania e Deponineve të Kosovës.
Një pamje e tillë me mbeturina edhe jashtë kontejnerëve është në rrugën “Luan Haradinaj” në Prishtinë, afër objektit të Prokurorisë.
Siç shihet në këto fotografi, mbeturinat janë shpërndarë edhe në sipërfaqen e tokës, duke ndotur kështu ambientin dhe rrezikuar shëndetin qytetarëve që kalojnë afër tyre.
Sipas tyre, kjo situatë është e papranueshme dhe paraqet rrezik publik për të gjithë, jo vetëm në Prishtinë por edhe vendet e tjera.
“Nuk duhet lejuar që për shkak të problemeve dhe çështjeve të pazgjedhura brenda kompanive publike që ofrojnë shërbime të pësojnë qytetarët e Prishtinës. Për më tepër, Kompania “Pastrimi” është kompani rajonale dhe pasojat barten edhe në komunat tjera. Situata me mbeturinat e krijuara është e papranueshme! Por, edhe paraqet rrezik serioz për shëndetin publik të gjithë neve. Komuna e Prishtinës është treguar e gatshme t’i huazojë 4 mijë litra derivate për kompaninë “Pastrimi”, në mënyrë që të evitohet kjo gjendje alarmante”, thuhet në fund të shkrimit”, thuhet në reagimin e tyre.
Ndryshe, ‘Pastrimi’ që disa ditë ka njoftuar se për shkak të bllokimit të xhirollogarive bankare do të ndërprerjen e mbledhjes dhe largimin e mbeturinave.
Për këtë shkak edhe sot në Prishtinë kontenjeret nuk janë pastruar dhe mbeturinat kanë dalë jashtë tyre, duke ndotur jo vetëm ambientin, por edhe rrezikuar shëndetin e qytetarëve./Indeksonline/