Kryendeshja e javës zhvillohet në Gjilan mes Dritës dhe Niklit
Ndeshja përmbyllëse e javës së 16-të në Superligën e Kosovës në futboll do të zhvillohet në mesditën e sotme në Gjilan.
Kampionia në fuqi, Drita është nikoqir i pretendentit serioz për titull këtë sezon, Feronikeli.
Ndeshja në fjalë do të zhvillohet në Gjilan, në Stadiumin e Qytetit me fillim nga ora, 13:30, transmeton IndeksOnline.
Pas një fillimi të dobët të këtij sezoni, Drita tani i është rikthyer rezultateve pozitive, megjithatë është larg kreut.
Pas 16 ndeshjeve, Drita renditet në vendin e pestë me 22 pikë të grumbulluara.
Nga ana tjetër, Feronikeli po sfidon Prishtinën për titull, teksa renditet në vendin e dytë me 35 pikë – 2 më pak se Prishtina./IndeksOnline/