Ky trajner do të drejtoj Trepçën ’89 pas largimit të Maganit
Magush Magani u largua nga drejtimi i Trepça ’89 pas humbjes kundër Prishtinës në stadiumin Fadil Vokrri.
Trajneri nga Shqipëria la stolin e skuadrës mitrovicase më pak se një vit pasi u emërua në atë pozitë, shkruan indeksonline.
Deri në përfundim të edicionit vjeshtor, Trepça ’89 do të drejtohet nga asistenti Sabit Osmani.
Lajmin e ka bërë të ditur presidenti i skuadrës Abedin Zeka.
Pas 13 ndeshjesh, Trepça ’89 është në pozitën e nëntë në tabelë me 15 pikë të grumbulluara. /IndeksOnline/