Lajm i keq për Dritën para derbit me Gjilanin

Drita do ta ketë një mungesë të rëndësishme në derbin e Anamoravës të shtunën.

Bëhet fjalë për Liridon Lecin, i cili është pezulluar me tri ndeshje mos-lojë nga Federata e Futbollit të Kosovës.

Kjo vjen pas ndëshkimit të tij me karton të kuq në ndeshjen e fundit ndaj Prishtinës, transmeton IndeksOnline.

FFK e ka konfirmuar sot lajmin me anë të një njoftimi në faqen zyrtare të Federatës.

Sipas Rregullores Disiplinore Neni 41 Paragrafi 2 Pika A/3, Leci është pezulluar për shkak të ofendimeve ndaj gjyqtarit, Dardan Çaka.

Saktësisht, Leci do të mungojë ndaj Gjilanit, Trepçës’89 dhe Drenicës./IndeksOnline/