Lakersat me LeBron mbeten ende pa fitore në sezonin e ri të NBA-s

Mbrëmë janë zhvilluar nëntë ndeshje në ligën më të fortë të basketbollit në botë.

Los Angeles Lakers ende nuk ka arritur të rrëmbej fitoren e parë në sezonin e ri, duke pësuar edhe humbjen e tretë radhazi në NBA.

Megjithëse skuadra e ‘engjëjve’ është përforcuar tejet mase duke sjell në radhët e veta edhe LeBron Jamesin, i cili nuk ka arritur të shijoj fitoren me fanellën e Lakersave.

Në fakt, Los Angeles pësoi humbje vetëm pas vazhdimit të parë me një pikë diferencë 143-142 kundër San Antonio Spurs.

Kjo e fundit shënoi pikët e fitores gjashtë sekonda para përfundimit të takimit dhe në aksionin e fundit, ‘mbreti’ James nuk arriti t’i sjell triumfin e parë skuadrës duke mos shënuar pikë, përcjellë Telegrafi.

Basketbollisti më efikas te Lakersat ishte Kyle Kuzma me 37 pikë, i pasuar nga LeBron që shënoi pesë pikë më parë.

Te Spursat lojtari më efikas ishte LaMarcus Aldridge me ‘double-double’ duke shënuar 37 pikë dhe pati dhjetë kërcime gjersa DeMar DeRozan shënoi 32 pikë.

Pas kësaj, San Antonio ka blianc prej dy fitoreve dhe një humbje ndërsa Los Angeles ka tri humbje.

Në anën tjetër, kampioni në fuqi, Golden State Warriors i është rikthyer fitoreve pas triumfit kundër Phoenix Suns me rezultat 123-103.

Theksojmë se lojtari më i mirë te ‘luftëtarët’ ishet Stephen Curry me 29 pikë gjersa te Sunsat u dallua Devin Booker me 27 sosh.

Golden State deri më tani ka bilanc prej tre fitoreve dhe një humbjeve gjersa Sunsat kanë një fitore dhe dy humbje. /Telegrafi/

Rezultatet tjera:

Boston 90-93 Orlando