Leonora Jakupi del ta pres arkivolin e babait të saj: Mirë se erdhe heroi im!

Sot në kufi të Shqipërisë u bë bartja e eshtrave të dy kolonelëve Ahmet Krasniqit dhe babait të Leonora Jakupit, Qazim Jakupit.

Familjarë të Ahmet Krasniqit dhe Qazim Jakupit dolën sot në kufi me Shqipërinë ku u bë bartja e eshtrave të më të dashurve të tyre, shkruan Indeksonline.

Leonora Jakupi në llogarinë e saj Instagram ka postuar një instastory ku nën përkujdesjen e Forcës së Sigurisë së Kosovës dhe Policisë së Kosovës, me nderime shtetërore arkivolet u futën në Republikën e Kosovës. Ndërsa këngëtarja ka shkruar:

Mirë se erdhe në Kosovën e lirë Heroi im!

Ndryshe, kohë më parë Qeveria e Kosovës ka marrë vendimin për kthimin e eshtrave të Qazim Jakupit dhe Ahmet Krasniqit në vendlindje./Indeksonline/