75 Mall Live Search
16:37 / E Shtunë, 13 Tetor 2018 / indeksADMonline

Lista 14 lojtarëve që Barcelona i ka prioritet për t’i transferuar sezonit e ardhshëm

Gjërat nuk janë duke shkuar mirë për Barcelonën këtë sezon. Përkundër që pati një start prej katër fitoreve në La Liga, ekipi katalunas nuk ka shënuar fitore në katër ndeshjet e fundit, duke barazuar tre herë e duke humbur një herë.

Por ku po qëndron problemi tek kjo skuadër? Sigurisht largimi i Andres Iniestas ka qenë një humbje e madhe dhe zëvendësimi i tij nuk i lehtë.

Po ashtu lojtarët kryesorë të Barcelonës kanë arritur moshën mbi 30 vjeç. Prandaj duhet “gjak i ri” në klubin katalunas.

Sipas gazetës spanjolles “AS”, Barcelona veç se ka përgatitur listën e prioriteteve që i ka për t’i transferuar verën e ardhshme.

Lista është përpiluar nga Eric Abidal dhe Ramon Planes nën mbikëqyrjen e Pep Segueras. Lista është përpiluar nga portierët deri tek sulmuesit.

Verën tjetër pritet të largohet Jasper Cillessen dhe duhet një portier për të zëvendësuar Ter-Stegen në rast nevoje.

 

Për të zëvendësuar Cillessen katalunasit po i monitorojnë portierin 26 vje­çar të  Wolfsburg, Koen Casteels që kushton gjashtë milionë euro.

Opsioni i dytë është portieri i PSV Jeroen Zoet, i cili kushton 10 milionë euro, transmeton Indeksonline.

Për qendër të mbrojtjes, Barcelona ka listuar këta lojtarë: Matthijs De Ligt (Ajax), Milan Skriniar (Inter), Dayot Upamecano (Leipzing) dhe Kalidou Koulibaly (Napoli).

Ndërsa për krahun e majtë të mbrojtjes në listë  janë: Ferland Mendy (Lyon), Nicolas Tagliafico (Ajax) dhe Filipe Luis (Atl.Madrid).

Sa i përket mesfushës, katalunasit janë duke i përcjellur këta lojtarë: Frenkie De Jong (Ajax), Paul Pogba (Manchester United) dhe Adrien Rabiot (PSG).

Duke parë rënien e formës të Luis Suarez, menaxhmenti i Barcelonës i ka bërë prioritet dy sulmues: Krzysztof Piatek (Sulmues), Nicolas Pepe (Lille)./Indeksonline/