Liverpooli me start kampioni, i sheh të gjithë nga lart (golat)
Liverpooli ka shënuar fitoren e katërt radhazi në katër xhirot e para të Premierligës.
Reds kanë mposhtur në “King Power” Leicesterin me rezultat 1-2, shkruan indeksonline.
Nënkampionët e Evropës kaluan në epërsi në minutën e 10-të të ndeshjes me golin e Sadio Mane.
Rezultatin e dyfishoi Roberto Firmino kur po zhvillohej inuta e fundit e pjesës së parë.
Një gabim i portierit Alison Becker i dhuroi topin Maddisonit që asistoi për Ghezzal për të ngushtuar rezultatin.
Nga minuta e 71-të u paraqit edhe Xherdan Shaqiri i cili zëvendësoi Mohamed Salahun.
Me këtë fitore, Liverpooli grumbullon 12 pikë dhe merr kreun ndërsa Leicester është në vendin e shtatë me gjashtë pikë.
Në xhiron tjetër që zhvillohet pas dy javësh, Liverpooli është mysafir i Tottenham ndërsa Leicester luan kundër Bornemouth. /IndeksOnline/