Lopetegui nuk mërzitet, flet për shkarkimin
Trajneri i Real Madrid, Julen Lopetegui ka folur pas humbjes turpëruese kundër Barcelonës në Camp Nou.
Madrilenët u mposhtën me rezultat 5-1 duke shënuar njërën nga humbjet më të thella në El Clasico, shkruan indeksonline.
Pas kësaj ndeshje ka folur edhe trajneri i Realit i cili nuk ndjehet i rrezikuar përkundër se kampionët e Evropës janë në formën më të dobët të historisë.
“Nuk jam i shqetësuar”, ka thënë Lopetegui pas ndeshjes.
“Mirëpo kam fuqi dhe ende jemi në muajin tetor. Kam besim në këtë skuadër dhe mendoj se e kam fuqinë që të vazhdoj me këtë grup”.
“Ne kishim mundësinë që t’i ndryshojmë gjërat në ndeshje sot. Ishim më të mirë në pjesën e dytë, mirëpo goli i Suarezit për 3-1 i këputi shpresat tona”.
Megjithatë, Lopetegui mund të shkarkohet nga kryesia e klubit dhe zëvëndësuesi i mundshëm i tij ëshët Antonio Conte. /IndeksOnline/