Lufta ndaj kurdëve, Volkswageni zhvendos prodhimin e Passatit nga Turqia në Sllovaki?

Bordi mbikëqyrës i Volkswagenit (VW) do të takohet këtë javë për të vendosur nëse do të vazhdojë me një investim të planifikuar në Turqi apo të ndërtojë një strukturë të re diku në Evropë, shkruan revista gjermane “Automotive News”.

Kompania mund të vendosë të bëjë modelin Passat në Sllovaki në vend të Turqisë, sipas një burimi, referuar burimeve të kompanisë. Një hap i tillë vjen për shkak të shqetësimeve të kompanisë si pasojë e kritikave ndërkombëtare për një operacion ushtarak të nisur nga Turqia në Siri.

Volkswageni planifikon të nisë një fabrikë të re deri në tetor 2022, kur operacionet në qytetin gjerman Emden, ku aktualisht është prodhuar Passati, do të drejtohen te makinat elektrike.

Një opsion në shqyrtim është zhvendosja e prodhimit Passat në një fabrikë në Bratislavë. Volkswagen Touareg, Audi Q7, VW Up, Seat Mii dhe Skoda Citigo tashmë janë duke u prodhuar atje.

Sllovakia është vendi me numrin më të madh të makinave të prodhuara për frymë banori dhe punëson rreth 300.000 persona.

Plani fillestar i Volkswagenit parashikonte ndërtimin e një fabrike në Manisa, 40 km në verilindje të Izmirit, në brigjet perëndimore të Turqisë.