Man City – Fulham: Arijanet Muriqi nga minuta e parë për ”Qytetarët”

Kampioni në fuqi, Manchester City do të përballet sonte me Fulhamin në kuadër të Carabao Cup.

Skuadra e Pep Guardiolas e fitoi titullin në fjalë sezonin e kaluar pas fitores në finale ndaj Arsenalit.

Si në ndeshjet e tjera të Kupave, Guardiola pushon disa nga lojtarët kryesor, e madje edhe portierin, Ederson, transmeton IndeksOnline.

Siç pritej, edhe sonte portieri me nënshtetësi kosovare, Arijanet Muriqi do të luajë nga minuta e parë në portë.

Përndryshe, në rast të fitores sonte, Man City do ta përballej me fituesin e duelit të sontëm mes Leicesterit dhe Southamptonit.

Manchester City: Muric, Danilo, Kompany, Stones, Zinchenko, Delph, Brahim, De Bruyne, Foden, Sane, Jesus

Fulham: Rico, Fosu-Mensah, Odoi, Ream, Sessegnon, Anguissa, Cairney, Seri, Vietto, Mitrovic, Schurrle./IndeksOnline/