Maradona mbushë 58 vite sot: Disa fakte që s’i keni ditur për të
Dita e sotme është mjaft e veqantë për ikonën e futbollit argjentinas, Diego Maradona.
Maradona mbushë sot 58 vite jetë, të cilat i ka jetuar afër futbollit.
Sa ishte futbollist, ai ka shënuar shumë suksese te Napoli, duke e fituar dy herë titullin e Serie A-s, transmeton IndeksOnline.
Ndërsa, më poshtë i keni disa fakte rreth legjendës argjentinase:
Maradona, i cili ka luajtur në pozitën ”10-sh” në karrierën e tij, ka qenë lojtari i parë në historinë e futbollit që e ka thyer dy herë shumën e transferimeve.
Ai u transferua te Barcelona në vitin 1982 për 7.6 milionë dollarë.
Në vitin 1984, ai iu bashkua Napolit dhe theu rekordin paraprak duke nënshkruar për 10.48 milionë dollarë.
Futbollisti legjendar u paraqitë për Argjentinën në 91 ndeshje dhe shënoi 34 gola.
Në vitin 1986, në finalen e Botërorit në Meksikë, ai ishte kapiten i Argjentinës në fitoren ndaj Gjermanisë Perëndimore dhe gjithashtu e fitoi ”Topin e Artë” në këtë kompeticion.
Në kompeticionin në fjalë, ai shënoi dy golat në fitoren, 2-1 ndaj Anglisë duke u futur në histori.
Goli i tij i parë u shënua me dorë – goli e famshëm me përshkrimin, ”Dora e Zotit”.
Goli i tij i dytë në këtë ndeshje ishte pas një driblimi të gjatë duke kaluar pesë lojtarë anglez.
Ky u votua si goli i shekullit nga votuesit e FIFA-s para 16 vitesh.
Më 20 tetor të vitit 1976, Maradona debutoi profesionalisht për Argentinos Junior. 10 ditë më pas, ishte ditëlindja e tij e 16-të.
Ai shënoi golin e tij të parë në Divizionin elitar të Argjentinës ndaj San Lorenzos më 14 nëntor të vitit 1976, dy javë pas ditëlindjes së tij të 16-të.
Pas pensionimit të tij në vitin 1994, Maradona u rikthye sërish tek Argjentina, por kësaj radhe si trajner.
Gjatë viteve, 2008/10 ai mori drejtimin e Argjentinës, ku pësoi humbje, 1-6 nga Bolivia.
Më pas, Diego u pezullua edhe për dy muaj nga FIFA për shkak të gjuhës së tij banale në një konferencë për shtyp.
Në Botërorin e vitit 2010, Argjentina u eliminua në çerekfinale nga Gjermania me rezultat, 0-4. Dhe kjo i dha fund aventurës së tij te Kombëtarja si trajner./IndeksOnline/