Marchisio te Manchester City, flet Guardiola
Manchester City ka marrë lajmin se Kevin De Bruyne do të mungoj tre muaj për shkak të një lëndimi.
I vetmi futbollist që mund të transferohet te kampionët e Premierligës është Marchisio i cili është pa kontratë.
32 vjeçari përfundoi kontratën me Zonjën e Vjetër dhe tashmë është pa skuadër, shkruan indeksonline.
Por kreu i Cityt, Guardiola ka përjashtuar sjelljen e futbollistit të lirë dhe këmbëngul se ka besim në talentet e tij, të paktën deri në hapjen e afatit të janarit.
Kur u pyet për një goditje për Marchisio, ai tha: “Jo. Së pari një koment i madh për karrierën e tij – ai bëri një karrierë të jashtëzakonshme në Juventus dhe me ekipin kombëtar”.
“Në dhjetor, ne do të shohim se çfarë ndodh në dritaren e transferimit, por tani skuadra është në rregull”, shtoi spanjolli. /IndeksOnline/