Mayweather mohon zërat: Nuk ka luftë në UFC!
Floyd Mayweather ka mohuar se është duke biseduar mbi një marrëveshje të mundshme për të luftuar në UFC.
Presidenti i UFC Dana White ka pretenduar të mërkurën se ka pasur diskutime me Mayweather, duke u shprehur për ESPN se mundësia e tij për të shkelur në oktagon ishte realiste.
Historia u përhap shumë shpejt nëpërmjet rrjeteve sociale ku pretendohej se boksieri do të zhvillonte 3-4 ndeshje në UFC dhe do të përfitonte një miliard dollarë.
Gjithsesi, Mayweather ka shpjeguar se megjithëse mundësia nuk mungon, ai nuk ka ndërmend të pranojë.
“Ajo që thashë është kjo: Nëse ia kam arritur të bëj mbi një miliard dollarë në të shkuarën, mund ta bëja sërish,” shprehet 40-vjeçari për FightHype.
“Nëse zgjedh të shkoj në UFC dhe të ndeshem tre apo katër herë dhe më pas të luftoj me Conor McGregor, do të fitoja 1 miliard dollarë. Nëse do të zgjidhja të luftoja në oktagon.
“Nuk e dimë se si do të jetë e ardhmja e Floyd Mayweather. Dhe nuk besoj se do të kthehem në ringun e boksit.”
Edhe kundërpërgjigja e McGregor nuk vonoi. Irlandezi ka shkruar vetëm një falë në Twitter, pikërisht fjalën “pussy” që në këtë rast përkthehet frikacak.