MD: Kompensimi i viktimave të krimit, storie e suksesit të Kosovës
Ambasadat e SHBA-ve në Kosovë dhe Kroaci kanë organizuar një konferencë rajonale mbi mbështetjen e viktimave, shkruan Indeksonline.
Nga Kosova po marrin pjesë një delegacion i Komisionit Qeveritar për Kompensimin e Viktimave të Krimit dhe zyrtarë nga Ministria e Drejtësisë.
Në këtë konferencë u vlerësua lart suksesi i Kosovës si shteti i vetëm në rajon me program të kompensimit të funksionalizuar, e po ashtu edhe roli i MD-së, si bartëse e projektit.
Ky është njoftimi i plotë:
Një delegacion i Komisionit Qeveritar për Kompensimin e Viktimave të Krimit, dhe zyrtarë të Ministrisë së Drejtësisë po merr pjesë në konferencën rajonale mbi mbështetjen e viktimave, obligimet dhe kompensimin e viktimave të krimit.
Konferenca është organizuar nga Ambasadat e Shteteve të Bashkuara të Amerikës në Kosovë dhe Kroaci dhe po mbahet në Dubrovnik, pjesëmarrës janë edhe përfaqësues të shteteve të tjera të rajonit.
Me këtë rast nga të pranishmit u vlerësua lart suksesi i Kosovës si shteti i vetëm në rajon me program të kompensimit të funksionalizuar, si dhe roli i Ministrisë së Drejtësisë, si bartëse e këtij procesi./Indeksonline/