Messi “baba” i këtij sporti, Barca merr kreun në La Liga

Barcelona ka mposhtur Valladolidin me rezultat 5-1 në ndeshjen e xhiros së 11-të të La Ligas.

Në këtë lojë shkëlqeu Lionel Messi i cili realizoi dy supergola dhe dy asiste shumë të bukur.

Golin e parë në ndeshje e shënoi Leglet në minutën e dytë të ndeshjes.

Një gabim i portierit Ter Stegen i dhuroi topin Kikos që barazoi rezultatin.

Asist si me duar nga Messi dhe Vidal kalon Barcën përsëri në epërsi në minutën e 29-të.

Pesë minuta më vonë, Messi merr përsipër një gjuajtje të lirë dhe shënon golin e tretë për skuadrën e tij.

Në pjesën e dytë, fillimisht në minutën e 75-të, Messi realizon gol për 4-1.

Dy minuta më vonë, bën përsëri asist të bukur dhe Suarez “vulos” rezultatin 5-1.

Me këtë fitore, Barca merr kreun e La Ligas me 22 pikë, dy më shumë se Granada dhe Atletico Madrid. /IndeksOnline/