Milani ”gjunjëzoi” grekët për vetëm nëntë minuta
Milani ka bërë një rikthim spektakular ndaj Olympiacosit në ”San Siro”.
”Rossonerët” kanë arritur ta fitojnë edhe ndeshjen e dytë në Europa League, kësaj radhe duke mposhtur grekët me rezultat, 3-1.
Në epërsi të parët kaluan mysafirët me golin e Guerreros në minutën e 14-t të takimit, transmeton IndeksOnline.
Megjithatë, në pjesën e dytë, Milani shënoi tre gola përmes Patrick Cutrone (’70,’79) dhe Gonzalo Higuain (’76).
Me këtë fitore, Milani është i vetëm në krye të tabelës me gjashtë pikë, ndërsa Olympiacosi mbetet në vendin e tretë me vetëm një pikë.
Nga ana tjetër, Real Betisi ”shkatërroi” Dudelangen me rezultat, 3-0 në ”Benito Villamarin”.
Fitorja e sontme e spanjollëve i renditë në vendin e dytë me 4 pikë, ndërsa Dudelange mbetet e fundit me 0 pikë./IndeksOnline/