Milani planifikon t’ia ulë pagën Donnarummas në kontratën e re

Milani ka filluar negociatat me Mino Raiola dhe Gianluigi Donnarumma për të zgjatur kontratën e lojtarit, sipas gazetës me bazë në Romë il Corriere dello Sport.

Raporti detajon se si kuqezinjtë janë të prirur të zgjasin kontratën e portierit 20-vjeçar, e cila skadon në 2021, kështu që ata nuk do të detyroheshin të shesin lojtarin nën vlerën e tij të perceptuar të tregut.

Sidoqoftë, tashmë ka një problem. Klubi e ka të vështirë t’i ofrojë lojtarit një pagë neto prej 6 milion € dhe në vend të kësaj do të preferonte ta zbriste atë në 5 milion €. Objektivi i Milanit është të përqendrohet në dashurinë e lojtarit për kuqezinjtë, transmeton Indeksonline.

Donnarumma u lidh gjerësisht me një transferim të gjigandëve të Ligue 1 Paris Saint Germain këtë verë por raportohet se e hodhi poshtë këtë veprim, duke përmendur angazhimin e tij ndaj Milanit. Duket se kuqezinjtë planifikojnë ta përdorin këtë në negociata për të detyruar lojtarin të pranojë një ulje pagash./Indeksonline/