Momenti kontravers kur Ramos shkeli në këmbën e Sterling
Sergio Ramos është sërish protagonist i një momenti kontravers në fushën e lojës.
Spanja ishte nikoqire e Anglisë sonte në ”Benito Villamarin” në kuadër të Ligës së Kombeve.
Dhe skuadra e Gareth Southgate e fitoi ndeshjen me rezultat të ngushtë, 3-2 për ta ndjekur nga afër Spanjën në grup, transmeton IndeksOnline.
Por, vëmendje mori edhe veprimi kontravers i Ramos në anësorin anglez, Raheem Sterling.
Gjatë një momenti në pjesën e dytë, është parë që Ramos e ka shkelur yllin e Manchester Cityt, derisa ky i fundit ishte i shtrirë.
Gjyqtari nuk e pa momentin në fjalë, dhe kështu Ramos mbeti pa u ndëshkuar.
Ramos është i njohur për veprime të tilla, teksa kujtojmë edhe lëndimin që ai ia shkaktoi Mo Salah në finalen e Champions League./IndeksOnline/