Ndeshja e ”nxehtë” me Zvezdën, Shaqiri tregon se çfarë pret nga tifozët serb
Xherdan Shaqiri insiston se mund ta përballet me çfardo që ndodhë në ndeshjen e kësaj jave në Champions League ndaj Crvena Zvezdën.
Reprezentuesi zviceran me prejardhje shqiptare startoi nga minuta e parë në fitoren, 1-0 ndaj Huddersfieldit, teksa asistoi te goli i fitores.
Tifozët e Zvezdës janë të pezulluar nga ndeshja në ”Anfield” të mërkurën, por Shaqiri e ka të garantuar një ”mirërpritje të nxehtë” në ndeshjen kthyese në Beograd.
27-vjeçari ishte i pezulluar nga FIFA pas festimit me shqiponjë ndaj Serbisë në Botëror duke festuar me shqiponjën dy krenare.
Shaqiri ka prejardhje kosovare, saktësisht nga Gjilani, andaj serbët e urrejnë tejmase atë pas ngjarjeve të fundit.
I pyetur nëse është i shqetësuar për këtë ndeshje, Shaqiri tha: ”Jo, aspak. Është vetëm një ndeshje normale dhe unë do ta trajtoj atë sikur ndeshjet tjera”.
”Natyrisht do të ketë persona që do të më vërshëllejnë mua. Por, unë e trajtoj çdo ndeshje njejtë”.
”Në fund, është vetëm një ndeshje futbolli. Por, është edhe e rëndësishme dhe ne duam ta fitojmë atë. Sporti nuk është politikë”, u shpreh Shaqa./IndeksOnline/